Տեսադարան

Youtube ալիք
Ցավալիորեն կանանց շրջանում բազմաթիվ ուռուցքային հիվանդությունների մեջ կրծքագեղձի քաղցկեղն ամբողջ աշխարհում զբաղեցնում է առաջին տեղը: Ամեն տարի Հայաստանում գրանցվում է կրծքագեղձի քաղցկեղի մոտ 1200 նոր դեպք: 40-45% դեպքերում կրծքագեղձի քաղցկեղը հայտնաբերվում է հիվանդության ուշ փուլերում, ինչի պատճառով դժվարանում են բուժման ընթացքն ու հնարավոր վտանգներից խուսափելը: Եվ սրա հիմնական պատճառը, ցավոք, բժշկի դիմելու մշակույթի բացակայությունն է՝ սեփական առողջության նկատմամբ հասարակության անտարբեր վերաբերմունքը:
Հարգելի՛ կանայք, կարևորելով Ձեր դերը յուրաքանչյուրիդ ընտանիքում և, առհասարակ առողջ հասարակություն ունենալու գործում, օգտվելով առիթից՝ ևս մեկ անգամ կոչ ենք անում՝ ՀԵՏԵՎԵ՛Ք Ձեր առողջությանը, տարվա մեջ գոնե մեկ անգամ ժամանակ հատկացրեք ինքներդ Ձեզ և այցելեք ուռուցքաբանին:
Անհրաժեշտ է նշել, որ պետք չէ վախենալ ախտորոշումից: Ժամանակին և պարբերաբար հետազոտվելը միակ և ամենաարդյունավետ միջոցն է զերծ մնալու ուշ հայտնաբերված քաղցկեղի վտանգից:
Դիտելով հետևյալ տեսահոլովակները՝ կարող եք լրացուցիչ տեղեկություններ ստանալ կրծքագեղձի քաղցկեղի կանխարգելման մասին, իսկ սոցիալական գովազդները կքաջալարեն Ձեզ չհետաձգել բժշկի այցելությունը և պարբերաբար հետազոտվել